Како што стои во соопштението, Арсовска во своето обраќање истакнала дека главните предизвици со кои се соочува локалната самоуправа се политичкото мешање во нивната работа, обидите за влијание врз независноста на локалните институции од страна на централната власт, како и ограничените финансиски ресурси.
„ Главни предизвици со кои се соочува локалната самоуправа се политичкото мешање во нивната работа и обиди за влијание врз независноста и интегритетот на локалните институции од страна на централната власт, но и ограничените финансиски ресурси и капацитети. Во заклучоците воедно акцентирани се и забелешките за еднаквост и правичност, оваа година има значителен пад на статусот на жената во локалната власт, а младите девојки и жени се обесхрабрени да учествуваат, знаејќи дека немаат системска поддршка и заштита од родово базирано насилство, што се рефлектира и преку големиот пад на процентот на жени градоначалници низ Европа“, истакнала Арсовска.
Градоначилничката на Скопје во Европскиот парламент кажала дека локалната власт во Македонија е составен дел на процесот на интеграција на земјата во ЕУ и севкупната рамка на управување. Таа рекла дека локалните власти значително можат да придонесат кон аспирациите за членство во ЕУ, за што е неопходно зајакнување на локалните институции, промовирање на граѓанскиот ангажман и справување со уникатните потреби на локално ниво.
„Поради говорот на омраза, сајбер-насилството, заканите и континуираната загриженост за личната безбедност, бројот на жени градоначалници во Европа падна од 25 на 16 отсто, во земјите од Југоисточна Европа на 8,3 отсто, додека во Македонија на рекодно најниско ниво за Европа – на 2 отсто. Локалната власт во Македонија е составен дел на процесот на интеграција на земјата во ЕУ и севкупната рамка на управување. Локалните власти значително можат да придонесат кон аспирациите за членство во ЕУ, за што е неопходно зајакнување на локалните институции, промовирање на граѓанскиот ангажман и справување со уникатните потреби на локално ниво. Тековните напори за унапредување на децентрализацијата, подобрување на локалното управување и поттикнување меѓуетничка соработка ќе бидат од суштинско значење за градење стабилно, демократско и просперитетно општество кое ќе се усогласи со вредностите и стандардите на ЕУ“, истакнала Арсовска.
