недела, 14 јули 2024

Германија ги менува правилата за државјанство

Германскиот закон за државјанство за кој долго се расправаше стапи на сила, со што се олеснува стекнувањето германски пасош и поседувањето двојно државјанство.

Епа

Објавено на

часот

Сподели

Реформата за натурализација предложена од централно-левичарската коалициска влада им овозможува на луѓето да станат германски државјани, додека го задржуваат своето првобитно државјанство.

Сега е можно да се аплицира за државјанство по пет години живот во Германија, наместо досегашниот услов од осум години, со обврска да се исполнети останатите услови, пренесе агенцијата Дпа.

Децата родени во Германија од странски родители ќе добијат германско државјанство доколку едниот родител легално престојува во Германија пет, а не осум години.

Доколку кандидатите покажат „посебни достигнувања во интеграцијата“ преку особено добри резултати на училиште, на работа или преку граѓански ангажман, можно е да добијат државјанство по само три години.

Важен аспект на новото правило е дека луѓето кои ќе добијат германско државјанство нема да мора да се откажат од државјанството на нивната матична земја, што претходно беше можно само во Германија за жителите на другите земји на ЕУ.

Покрај тоа, на Германците кои сакаат да станат државјани на друга земја повеќе нема да им треба посебно овластување од германските власти. Претходно, тие би го изгубиле германското државјанство доколку добијат друго без одобрение.

ТОП ВЕСТИ

ПОСЛЕДНИ ВЕСТИ