Шефот на грчката дипломатија посочи дека „Грција претставува столб на стабилноста во поширокиот регион на источниот Медитеран, имајќи предвид дека значително го има надградено својот дипломатски капитал благодарение на принципиелната надворешна политика што ја спроведува“, пренесува МИА од Атина.
„Грчката страна го истакна прашањето за посветеноста на сите членки на НАТО кон меѓународното право и меѓународните договори, што ја претставуваат основата на глобалната безбедносна архитектура. Посебно осврнување имаше на должното верно почитување на Договорот од Преспа, чиешто јадро систематски го прекршува новото политичко и државно раководство на Северна Македонија“, вели Герапетритис во писмената изјава за весникот.