Напорите за евакуација на цивилите во областа Луганск во источна Украина денеска се прекинати откако оклопен транспортер беше погоден со руски гранати, при што загина францускиот новинар Фредерик Леклер, изјави регионалниот гувернер Сергеј Гајдај, цитиран од Ројтерс.
Гајдај на апликацијата Телеграм напиша дека шрапнелот го пробил оклопот на возилото, убивајќи акредитиран француски новинар што патувал во него.
Гајдај даде и фотографија од прес-акредитацијата што го идентификува новинарот, кој наводно работел во француската БФМ ТВ.
Француското Министерство за надворешни работи соопшти дека ги проверува информациите за смртта на новинарот.
French journalist killed when an evacuation van from Severodonetsk/Lysychansk was hit by Russian shelling, Luhansk governor Haidai says.
— Yaroslav Trofimov (@yarotrof) May 30, 2022
