Таканаречениот план за победа, кој претходно неделава на јавноста ѝ го претстави украинскиот претседател Володимир Зеленски, предвидува клучен елемент – официјален повик на Киев во НАТО, што Западот одбива да го разгледува сè додека трае конфликтот.
Предлогот во моментов го разгледуваат западните партнери на Украина, чија помош е од клучно значење во спротивставувањето на Киев на Русија.
„Руска победа би била победа за законот на посилните и би го турнала меѓународниот поредок во хаос“, кажа Баро на заедничката прес-конференција со украинскиот колега Андреј Сибиха.
„Затоа нашата соработка би требало да ни овозможи да напредуваме по планот за победа на претседателот Зеленски и да собереме најголем можен број земји околу него“, оцени францускиот министер.
Баро кажа и дека Франција ќе ја испорача првата серија борбени авиони „мираж 2000“ на Украина во првите три месеци од 2025, со украински пилоти и механичари обучени да ги летаат и одржуваат авионите.
Од почетокот на конфликтот во 2022 Франција е еден од најистакнатите воени, дипломатски и економски поддржувачи на Киев во Европа.
