вторник, 23 јули 2024

ЕУ постигна договор за регулирање на вештачката интелигенција

Синоќа беше постигнат привремен договор за клучните правила на Европската унија кои ја регулираат употребата на вештачка интелигенција, вклучувајќи ја владината употреба на вештачка интелигенција во биометрискиот надзор и како да се регулираат системите за вештачка интелигенција како ЧетГПТ, пренесе Ројтерс.

Објавено на

часот

Сподели

Со политичкиот договор, ЕУ е на пат да стане првата голема светска сила која ќе донесе закони со кои се регулира вештачката интелигенција. Договорот меѓу земјите од ЕУ и членките на Европскиот парламент беше постигнат во петокот по речиси 15 часа преговори, кои следеа по речиси 24 часовната дискусија претходниот ден.

Се очекува во наредните денови двете страни да се договорат за деталите, кои би можеле да го сменат обликот на конечниот закон.

„Европа се позиционираше како пионер, сфаќајќи ја важноста на својата улога како глобален поставувач на стандарди. Ова е, верувам, историски ден“, рече европскиот комесар Тиери Бретон на прес-конференција.

Договорот бара основните модели како што се ЧетГПТ и системите за вештачка интелигенција за општа намена (ГПАИ) да се усогласат со обврските за транспарентност пред да бидат пласирани на пазарот. Ова вклучува изработка техничка документација, усогласување со правото на ЕУ за авторски права и ширење на детални резимеа на содржината што се користи за обука.

Моделите со високи перформанси засновани на основните принципи со висок степен на ризик ќе мора да спроведуваат евалуации на модели, да проценуваат и ублажуваат системски ризик, да спроведуваат контрадикторно тестирање, да ја известат Европската комисија за сериозни инциденти, да обезбедат сајбер безбедност и да известуваат за енергетската ефикасност.

ГПАИ со системски ризик може да се потпира на кодекси на пракса за да се усогласат со новата регулатива.

Властите можат да користат биометриски надзор во реално време на јавни простори само во случаи на жртви на одредени злосторства, спречување на реални, сегашни или очекувани закани, како терористички напади и претреси по лица осомничени за најтешките злосторства.

Договорот забранува когнитивна бихејвиорална манипулација, собирање слики на лица од интернет или снимки од видео надзор, системи за социјално бодување и биометриска категоризација за одредување политички, религиозни, филозофски убедувања, сексуална ориентација и раса.

Потрошувачите би имале право да поднесат жалби и да добијат значајни објаснувања, додека казните за прекршоци би се движеле од 7,5 милиони евра или 1,5 отсто од прометот до 35 милиони евра или 7 отсто од глобалниот промет.

Европските амбициозни правила за вештачка интелигенција доаѓаат откако компании како ОпенАИ, во кои Мајкрософт е инвеститор, продолжуваат да откриваат нови употреби на својата технологија, предизвикувајќи и пофалби и загриженост. Сопственикот на Гугл Алфабет во четвртокот лансираше нов модел на вештачка интелигенција, Џеменај, за да се натпреварува со ОпенАИ.

Правото на ЕУ може да стане пример за другите влади и алтернатива на мекиот пристап на САД и построгите правила на Кина, пишува Ројтерс.

ТОП ВЕСТИ

ПОСЛЕДНИ ВЕСТИ