сабота, 20 јули 2024

Ердоган: Се противиме на создавање единствена кипарска федерација

Турција останува против создавањето на единствена кипарска федерација, рече претседателот Реџеп Таип Ердоган во саботата како дел од настаните на островот по повод 50-годишнината од турската инвазија.

Фото: ЕПА

Објавено на

часот

Сподели

„Ние веруваме дека можноста за решение засновано на единствена федерална држава на Кипар не е можна“, рече турскиот лидер во саботата за време на посетата на северниот дел на поделениот остров, кој е под турска контрола. Во 1974 година, кипарските Грци, националистите и тогашната владејачка диктатура во Атина сакаа да го обединат Кипар со Грција, што резултираше со воен удар на островот.

За да го спречи обединувањето со Грција, Турција воено интервенираше и оттогаш островот е поделен. Претседателот на кипарските Грци Никос Христодулидес веќе го отфрли повикот на својот колега, претседателот на кипарските Турци Ерсин Татар за решение со две држави.

„Во никој случај не разговараме за решение со две држави“, рече кипарскиот претседател Никос Христодулидес за ДПА во четвртокот. И грчкиот премиер Киријакос Мицотакис во саботата повика на обединет Кипар.

„Помина половина век од националната трагедија на Кипар… Ние се залагаме за европска држава, обединета и заснована на резолуциите на ОН. Без странска окупациска армија“, напиша Микотакис на социјалната платформа Икс.

Освен Никозија, и Европската унија и Обединетите нации се против решението со две држави. Целта на ОН отсекогаш била некаква форма на федерација со централна власт. Во меѓувреме, Ердоган рече дека Анкара е „подготвена да преговара и да воспостави траен мир и решение на Кипар“.

Но, во исто време, тој упати обвинение дека кипарските Турци се дискриминирани и не им е дозволено да ги користат енергетските ресурси на островот. Речиси една деценија по инвазијата, Турската Република Северен Кипар (ТРСК) беше прогласена во 1983 година во северниот дел на островот, но до денес само Турција ја признава.

Во 2004 година, целиот остров беше примен во ЕУ како држава. Де јуре, од тогаш целиот остров е член на ЕУ, но правото на ЕУ важи само за јужниот дел, што значи дека островот е де факто поделен.

ТОП ВЕСТИ

ПОСЛЕДНИ ВЕСТИ