„Неодамнешните напади на Либан и неодамнешните изјави на Израел се јасни показатели на напорите војната да се прошири на целиот регион“, кажа Ердоган, истакнувајќи дека мирот во регионот го загрозува „геноцидот кој Израел го спроведува на палестинските територии, особено во Појасот Газа“, пренесува агенцијата Анадолу.
Ердоган во Њујорк кажа дека глобалните институции и организации не презеле никакви ефикасни чекори за да го сопрат „угнетувањето во Газа или да го спречат масакрот кој го спроведува Израел“.
Тој оцени дека институциите чија должност е да обезбедат мир и безбедност „очигледно се во состојба на морален колапс“ и додаде дека полека ги губат ефикасноста и кредибилитетот.
