недела, 14 јули 2024

Ердоган го објави составот на новата влада. Само двајца министри останаа на своите функции

Објавено на

часот

Сподели

По свечената вечера на која присуствуваа речиси 80 претседатели на држави и влади, Ердоган го објави составот на новата влада, во која министерствата за одбрана, надворешни работи и економија претрпеа темелни промени.

Новата влада првпат ќе се состане во вторник, најави тој претходно. По вечерата, Ердоган отиде во претседателската палата Чанкаја, каде живееше и работеше Мустафа Кемал Ататурк, за да го објави составот на новата влада.

Како што се очекуваше, признатиот експерт Мехмет Шимшек, поранешен министер за финансии (2009-2015), а потоа вицепремиер за економска политика (до 2018 година), го презема Министерството за финансии.

Името на Мехмет Шимшек (56) упорно се појавуваше во медиумите: поранешниот економист на американската банка Мерил Линч ќе биде задолжен да воведе ред во финансиската политика на земјата за да ја врати довербата кај инвеститорите.

Ќе се обноват и главните министерства: така Хакан Фидан, поранешен шеф на МИТ, турската разузнавачка служба, ќе ја преземе функцијата министер за надворешни работи, наместо Мевлут Чавушоглу.

Во Министерството за одбрана Јашар Гуелер, началникот на Генералштабот на вооружените сили, доаѓа на местото на Хулуси Акар, поранешниот началник на Генералштабот кој ја извршуваше функцијата од јули 2018 година. Акар важеше за организатор на отпорот кон неуспешниот државен удар во јули 2016. Само двајца министри, здравство и култура, остануваат на својата должност.

ТОП ВЕСТИ

ПОСЛЕДНИ ВЕСТИ