недела, 14 јули 2024

Ердоган: Бајден и САД се соучесници во воените злосторства на Израел

Турскиот претседател Реџеп Таип Ердоган го обвини американскиот претседател Џо Бајден и неговата администрација дека се соучесници во израелските воени злосторства и кршење на меѓународното право во конфликтот во Појасот Газа и побара да се воведат санкции кон Израел.

Епа

Објавено на

часот

Сподели

Во интервју за Њузвик за време на самитот на НАТО во Вашингтон, Ердоган рече дека израелските „брутални убиства“ на цивили, нападите врз болниците, центрите за хуманитарна помош и на други места се воени злосторства. „Американската администрација, сепак, ги игнорира овие прекршувања и му дава најголема помош на Израел. Тие го прават тоа по цена да бидат соучесници во овие прекршувања“, рече Ердоган.

„Во овој момент, кој ќе воведе санкции на Израел за кршење на меѓународното право? Тоа е вистинското прашање и никој нема одговор на тоа“, рече тој. Израел ги отфрла обвинувањата дека врши воени злосторства во борбата против Хамас во Појасот Газа. Тој негира дека намерно напаѓа цивили.

Повеќе од 38.000 Палестинци, главно цивили, загинале од почетокот на војната на 7 октомври 2023 година, според здравствените власти во Газа. Околу 1.200 Израелци загинаа во нападот на Хамас врз Израел што ја предизвика војната.

Турција, членка на НАТО, го осудува израелскиот напад на Појасот Газа, ја прекина трговијата со Израел и изразува поддршка за Хамас. Тој често ги критикува западните земји дека го поддржуваат Израел и бара меѓународните судови да го казнат.

ТОП ВЕСТИ

ПОСЛЕДНИ ВЕСТИ