Сите очекуваа дека натпреварот ќе отиде во продолженија, но тогаш една одбиена топка од голманот Дујомовиќ дојде до Коваленко кој постигна гол за победа на Пјуник од 3-1 и елиминација на Струга.
Стружани беа рамноправен противник, шанси имаше и на двете страни, но домаќинот подобро го почна дуелот.
Во 16. минута Дебле погоди за водство на Пјуник од 1-0, а во 45. минута Коваленко реализираше за предност и од 2-0.
Длабоко во судиското продолжение од првото полувреме Ибраими постигна убав гол за 2-1. Тоа беше и резултатот од првиот меч.
Во вториот дел натпреварот беше рамноправен, но за жал падна концентрацијата во финишот и Струга го заврши настапот во Европа за оваа сезона.
