Дубоа доминираше уште од самиот почеток, на крајот од првата рунда Џошуа се најде во нокдаун, но ја продолжи борбата.
Мечот продолжи во иста динамика, Дубоа напаѓаше, Џошуа претежно се бранеше. Кулминацијата се случи во петтата рунда кога Дубоа со директ погодувајќи го во вилицата го нокаутираше Џошуа и ја одбрани титулата ИБФ Светски шампион.
DANIEL DUBOIS HAS KNOCKED OUT ANTHONY JOSHUA!!! WHAT A PERFORMANCE!#JoshuaDubois #Boxingpic.twitter.com/By8gbt42rT
— Championship Rounds (@ChampRDS) September 21, 2024
Ова беше четврти пораз за Џошуа во кариерата која веќе му е доведена во прашање. Тој двапати беше светски шампион, целеше кон трета титула, но не успеа. Многумина сметаат дека време му е за пензија.
Оваа победа отвора можност за Дубоа да се бори за неприкосновената титула во тешка категорија во 2025 година против победникот од дуелот на 21 декември меѓу шампионот на ВБЦ, ВБА и ВБО, Александар Усик и Тајсон Фјури кои беа покрај рингот на вчерашниот меч.
Џошуа пак може да се надева на реванш со Дубоа или на меч со поразениот од дуелот меѓу Усик и Фјури за да се обиде да си ја продолжи кариерата.
