Во последните пет минути од натпреварот во Купот на Македонија меѓу екипите на Скопје и Гевгелија, ракометарките си постигнуваа автоголови и не сакаа да го загрозуваат противничкиот гол.
Во иднина нема да можат да го прават тоа затоа што нема ни да бидат дел од натпреварувањата на Ракометната федерација на Македонија.
РФМ денеска и официјално ги објави казните за двата клуба, суспензии добија и тренерите на Скопје Валентина Радуловиќ и Веселинка Тренковска, како и тренерот на Гевгелија, Јулија Беќарова. Сите три нема да можат да работат во ракометот две години.
„Врз основа на Статутот на РФМ, согласно член 5, 14, 15, 16, 21 и 106 од Дисциплинскот правилник на РФМ, согласно член 1 и 18 од Кодексот за ракометни клубови и член 1 од Кодексот за однесување на службени лица, Првостепената дисциплинска комисија на РФМ, со Претседател Димитар Ристовски, и членови на комисијата Драги Огненоски и Влатко Мицев, на состанокот одржан на ден 12.11.2024 во врска со случувањата на натпреварот од групната фаза од Куп натпреварувањето во женска конкуренција, одигран на ден 09.11.2024 година во Скопје помеѓу ракометните екипи на ЖРК Скопје и ЖРК Гевгелија по покренувањето на дисциплинската постапка и разгледување на целосната потребна документација, ги донесе следните:
