Петта година по ред Жоел Ембид не игра во Колорадо против Денвер. Овојпат отпатува и се очекуваше дека конечно ќе заигра, но тоа не се случи. Ѕвездата се појави на загревањето, но со докторскиот тим заклучија дека има повреда на коленото и не може да настапи.
Денвер го доби мечот со 111-105, благодарение на одличната одбрана во последната четвртина во која Филаделфија постигна само 17 поени.
Никола Јокиќ со 26 поени и 16 скокови беше најдобар кај Денвер, Рид во составот на Филаделфија реализираше 30 поени и имаше 13 скокови.
Супер интересно беше на мечот меѓу Голден стејт и Лос Анџелес Лејкерс каде имаше две продолженија. Езерџиите славеа со 145-144 во исклучително драматичен финиш. Стеф Кари и Леброн Џејмс беа во центарот на вниманието.
Леброн имаше трипл-дабл со 36 поени, 20 скокови и 12 асистенции, а Кари беше најефикасен на теренот со 46 поени. Одлична партија имаше и Ентони Дејвис кој даде 29 поени и имаше 13 скокови.
Резултати:
Детроит – Вашингтон 104-118
Њујорк – Мајами 125-109
Денвер – Филаделфија 111-105
Бруклин – Хјустон 106-104
Бостон – ЛА Клиперс 96-115
Шарлот – Јута 122-134
Милвоки – Њу Орлеанс 141-117
Голден стејт – ЛА Лејкерс 144-145
Сан Антонио – Минесота 113-112