Според податоците од изминатиот период, за време на викендите има најмногу пожари на отворено, велат од ЦУК.
„Апелираме до сите земјоделци и сточарите да не ги палат стрништата и пасиштата, а до граѓаните да се воздржат од палење оган при престојот во природа. Сериозни врнежи од дожд нема подолго време и не се очекуваат барем до понеделник. Вегетацијата е исклучително сува, дневните температури се уште се високи, а пожарникарите и пилотите се исцрпени и на крај на силите“, апелираат од ЦУК.
Вчера се изгаснати 21 пожар на отворено, при што гореле стрништа, сува трева, ниска вегетација, мешана и борова шума, отпадоци, а и овошни насади на територијата на општините Шуто Оризари, Чучер-Сандево, Студеничани, Прилеп, Крушево, Чашка, Росоман, Штип, Чешиново-Облешево, Зрновци, Свети Николе, Сарај, Ѓорче Петров, Долнени, Старо Нагоричане и Куманово.