Во објава на социјалните мрежи, Медведев на англиски ги цитираше заклучоците на НАТО на самитот во Вашингтон, кои го потврдија продолжувањето на поддршката за Украина и нејзиниот пат кон идно членство во алијансата.
„Заклучокот е очигледен. Мораме да сториме сè за „неповратниот пат“ на Украина кон НАТО да заврши или со исчезнување на Украина или со исчезнување на НАТО. Или уште подобро, со исчезнување на двете“, напиша Медведев.
The Washington Summit Declaration of July 10 mentions “the irreversible path of Ukraine” to NATO. For Russia, 2 possible ways of how this path ends are acceptable: either Ukraine disappears, or NATO does. Still better, both.
— Dmitry Medvedev (@MedvedevRussiaE) July 11, 2024
Медведев, кој за време на неговото претседателствување од 2008 до 2012 година важеше за посредник кон Западот, стана еден од највоинствените руски функционери од почетокот на војната во Украина.
Тој постојано ги предупредува САД и европските сојузници дека нивното вооружување на Киев може да доведе до „нуклеарна апокалипса“.