Снимката е објавена неколку часа по емитувањето на видеото на кое се гледа како борците на Ал-Касам уништуваат израелски воени возила источно од населбата Зајтун во градот Газа.
Како што може да се види на новото видео, бомбата била фрлена со дрон, а потоа експлодирала меѓу војниците на израелската армија. Се гледа дека некои војници останале неподвижно да лежат на земја, а други почнале да бегаат.
Не е познато колку израелски војници се убиени или повредени во тој напад.
Бригадите Ал-Касам објавија и снимки на кои се гледа како нивните борци уништуваат израелски воени возила и тенкови што влегле во источниот дел на населбата Зајтун, на истокот на градот Газа.
На видеото објавено во средата се гледаат неколку борци на Ал-Касам што излегуваат од отворот на тунел за напад. Борците носеле рачни ракетни фрлачи Јасин и пукале директно во возилата, по што возилата се запалиле.
На видеото се слуша гласот на борец на Ал-Касам што вели: „Господе, во најголемото име те молиме… Господе, зајакни нè да ги погодиме нашите цели“, пред да истрела противтенковска ракета.
На видеото се гледа и тенк позициониран меѓу маслинови дрвја. Борците од военото крило на Хамас успеваат да му пријдат, а потоа го погодуваат со противтенковски ракети Јасин извикувајќи „Алаху акбар“.
Од почетокот на операцијата, бригадите Ал-Касам објавуваат ексклузивни снимки и клипови на кои се прикажани борци на военото крило на Хамас како упаѓаат во израелски касарни и воени локации и ги напаѓаат копнените сили што продираат во Појасот Газа.
Бригадите Ал-Кудс, исто така, објавија снимки од „салво минофрлачки ракети што се користат за уништување непријателски возила што продираат на југ и северозапад од Газа“.