Граѓани и претставници на опозицијата се собраа пред зградата на парламентот, каде беа прочитани барањата до владата, а потоа започна мирна прошетка до владата на Србија. Никој од опозицијата не зборуваше на собирот. Организаторите проценуваат дека се собрале околу 50.000 луѓе и најавуваат дека „Србија ќе стане“ доколку владата не ги исполни нивните барања до петок.
Беа истакнати повеќе барања, чија цел, како што се наведува, е да се намали нивото на насилство во Србија. Најпрво од властите се бара смена на раководството на РЕМ (регулаторното тело за медиуми) и Радиотелевизијата на Србија и да им се одземе националната фреквенција на прорежимските телевизиски станици Пинк и Хепи, како и да се забранат таблоиди што промовираат насилство.
Za decu i nas koji nismo u bandi. pic.twitter.com/SadViLwcR3
— Biljana Lukić (@BiljanaLuki) May 8, 2023
Наставничката Марина Видојевиќ, која на протестот ги прочита барањата до Владата на Србија, за Нова.рс изјави дека одѕивот бил огромен, што не го очекувала.
„Особено е важно тоа што луѓето делуваат апатично, незаинтересирано, но дека меѓу живот и смрт избираат живот. Не очекувам владата така лесно да се откаже од своите удобности, придобивките, моќта. Но, очекувам да се засилиме. Ова е почит кон жртвите и нивните семејства, а за нас останатите зајакнување во борбата. Очекувам повторно да се сретнеме овде во петок, за да покажеме колку нѐ има“, рече таа.
Ponosan na Beograd ❤️ pic.twitter.com/LTvTkEHVx4
— Dobar Loš Vučić (@asomakumbrother) May 8, 2023
Како што јавува репортерот на Нова.рс, граѓаните велат дека со години не виделе толку голем број на луѓе собрани на едно место.
#Belgrade protests today. pic.twitter.com/e91GU8ZxSP
— Dennis Miskic (@MiskicDennis) May 8, 2023
Пратеникот Срѓан Миливојевиќ на социјалните мрежи објави дека се собрале 50.000 луѓе. Организаторите порачаа: „Ако не ги исполнат нашите барања, Србија ќе стане“.
Neću preterati ako kažem više od 50.000 ljudi pic.twitter.com/4ni1i8TawY
— Dobar Loš Vučić (@asomakumbrother) May 8, 2023
Реката граѓани пред српската влада ја поздравија со аплауз изјавата на наставничката, која повторно ги прочита барањата на демонстрантите.
Mass protest against violence & system in #Belgrade following last week’s mass shootings in #Serbia, including a school shooting that left 8 dead children. pic.twitter.com/hdcvbQUmjl
— Boris Malagurski (@malagurski) May 8, 2023
Српскиот независен портал Данас објави дека се проценува дека на денешниот протест против насилството во центарот на Белград дошле околу 50.000 луѓе.
Huge protests after two mass shootings in Serbia. People want the Serbian government to resign. My Belgrade today ❤️ pic.twitter.com/6mawH5g61e
— Ivana Stradner ???? (@ivanastradner) May 8, 2023
„Ова е само почеток, срцето ми е полно и мислам дека на следниот протест треба да бидеме уште повеќе“, изјави една граѓанка за Н1.