„Голем дел од предложените промени се мали и не се неочекувани. „Другите значително се разликуваат од она што е наведено во резолуцијата на Советот за безбедност на ОН“, рече Саливен.
Американскиот државен секретар Ентони Блинкен денеска го обвини Хамас за застој во напорите за прекин на огнот и рече дека некои од наводните предложени промени се „изводливи, а некои не се“.
Хамас ги негираше тврдењата дека групата изнела нови идеи за предлог за прекин на огнот во Газа и ја обвини американската администрација дека сака, заедно со својот близок сојузник Израел, да „избегне каква било обврска“ за план за траен прекин на огнот во Појасот Газа.
Високиот функционер на Хамас, Осама Хамдан, го карактеризира Блинкен како „дел од проблемот, а не решение“ на конфликтот во палестинската енклава.
