„Заштитете ги вашите платежни картички од можна злоупотреба и не кликајте на линк добиен преку СМС или е-маил порака за наводна ‘погрешна адреса’ или ‘вратена пратка’. За да се заштитите од злоупотреба, вооопшто не споделувајте податоци од картичката на сомнителни страници“, стои во дел од соопштенијата од банките.
Оттаму укажуваат дека доколку граѓаните ги внеле податоците од нивната картичка, потребно е веднаш да се јават во контакт центарот на матичната банка за да се блокира картичката.
Инаку, по социјалните мрежи граѓани објавуваат дека биле измамени на ваков начин. Во една објава е наведено дека во моментите кога се јавувала во банка за да се блокира нејзината сметка, измамниците собрале 850 евра, во три трансакции по 250 и во една во износ од 100 евра.
