Оваа недела, Конгресот на САД прифати текст кој овозможува укинување на горната граница на американското јавно задолжување до јануари 2025 година и поставува одредени буџетски цели.
Претседателот им се заблагодари на парламентарните лидери, вклучувајќи го и републиканскиот лидер Кевин Мекарти, за нивната „соработка“ при донесувањето на законот, се вели во соопштението на Белата куќа во саботата.
Без тој закон, кој во четвртокот го потврди демократското мнозинство и во средата Претставничкиот дом со републиканското мнозинство, земјата веќе во понеделник на 5 јуни би била во ситуација да не може да ги врати долговите.
„Ништо не би било понеодговорно и попогубно“, рече американскиот претседател во петокот во официјалното обраќање од Овалната соба.
„Тешко е да се постигне консензус меѓу партиските поделби. Единството е тешко. Но, никогаш не смееме да се откажеме од обидите“, додаде тој.
