Според австралиските власти, казната може да биде сменета во доживотен затвор по две години.
Д-р Јанг – научник и романсиер кој пишуваше блог за кинеските работи – ги негира наводите против себе, кои никогаш не беа јавно објавени.
Австралиската влада, која побара негово ослободување, е згрозена од одлуката и најостро ќе го пренесе својот одговор до Пекинг, рече министерката за надворешни работи Пени Вонг.
„Постојано повикуваме на основните стандарди на правдата, процедурална праведност и хуман третман за д-р Јанг, во согласност со меѓународните норми и законски обврски на Кина. Нема да попуштиме во нашето залагање“, нагласи таа.
Beijing Court Gives Australian Writer Yang Hengjun Suspended Death Sentence
Yang, who was arrested in 2019, was accused of spying on China for an undisclosed country. https://t.co/QMlT9UuEPB pic.twitter.com/VdV0pdbQY0— ARISE NEWS (@ARISEtv) February 5, 2024
Д-р Јанг, кој претходно работел за кинеското Министерство за државна безбедност, во своите дела се залагал за демократија, но често избегнувал директна критика на владата во тие текстови.
57-годишникот беше уапсен на аеродром во Гуангжу во јануари 2019 година и обвинет за шпионажа. Неговиот случај оттогаш главно се одвива зад затворени врати, вклучително и тајно судење во 2021 година.
Австралиските власти честопати изразуваа загриженост во врска со третманот на д-р Јанг, но беа предупредени од кинеското Министерство за надворешни работи да не се мешаат во случајот и да го почитуваат судскиот суверенитет на нацијата.
Додека бил во притвор, Јанг бил испрашуван повеќе од 300 пати и бил подложен на интензивна тортура шест месеци, соопшти неговото семејство.
