„Ем во образование не им нудиме Информатика, критичко размислување, програмирање…, ем од друга страна очекуваме луѓето да бидат дигитално писмени. Со ова мора да се справуваме и мислам дека заложбата на министерката за образование и наука за продолжена едносменска настава ќе помогне во дополнителните часови кога учениците се во училиштата да добијат ваков вид вештини“, рече Андоновски.
Вториот парадокс, како што кажа, е тоа што над 85 проценти од граѓаните имаат пристап до интернет во своите домови и на своите мобилни телефони, но само 30 проценти од генерацијата за која се смета дека најдобро го владее интернетот или дигиталните алатки, од 18 до 40 години, сметаат дека имаат задоволителни дигитални вештини.
Едносменската настава за која се залага МОН, според Андоновски е можност учениците во дополнителните часови да ги подобрат и своите ИКТ-вештини, со оглед на недоволната застапеност на предметот Информатика во наставата.