Барањето доаѓа по историската пресуда во август, кога американски судија пресуди дека Гугл го прекршил антимонополскиот закон, трошејќи милијарди долари за да создаде нелегален монопол и да стане вграден светски пребарувач. Судијата им наложи на министерството за правосудство и државите кои ја поднесоа тужбата да предложат решенија за поправање на монополот.
Освен продажбата на Хром, тие побараа од судијата на Гугл да му понуди избор: или да го продаде Андроид, својот оперативен систем за паметни телефони, или да го спречи Гугл своите услуги да ги направи задолжителни на телефоните кои го користат Андроид.
Ако Гугл ги прекрши тие услови или ако предложените решенија не го унапредат пазарното натпреварување, владата во иднина би можела да ја присили компанијата на продажба на Андроид.
Во пријавата од судијата се бара и да му забрани на Гугл склучување платени договори со Епл и други компании за неговиот пребарувач да биде автоматски поставен како зададен на паметните телефони и браузерите. Судот би требало да го обврзе Гугл да им овозможи на конкурентските пребарувачи прикажување на резултатите на Гугл и пристап до неговите податоци во следните десет години, се наведува во предлогот.
Предложените мерки се најзначајните барања за решавање на пазарната доминација во технолошкиот сектор откако министерството за правосудство на САД во 2000 година побара поделба на Мајкрософт. Ако судијата ги прифати овие предлози, тие ќе постават стандард за низа други случаи кои ја оспоруваат доминацијата на технолошките џинови, како Епл, Амазон и Мета.
Присилната продажба на Хром и Андроид би било едно од најнеповолните решенија за Гугл. Хром, кој е претставен во 2008 година и е бесплатен за користење, е најпопуларниот интернет браузер во светот со проценети 67 отсто учество на глобалниот пазар, според Статкаунтер, платформата за следење на пазарните трендови во технологијата. Пребарувачот на Гугл е вграден во Хром.
