„Напредуваме и Белата куќа е вклучена, што е добро. Сè е охрабрувачко“, им кажа на новинарите сенаторот Џон Тхун, вториот по важност републиканец во Сенатот, предупредувајќи дека „сега сè уште разговараат за концепти“.
Пратениците кажаа дека Сенатот продолжува со работа во понеделник и дека ќе го одложи почетокот на својот зимски одмор. Американскиот претседател Џо Бајден ги повика пратениците да изгласаат дополнителен пакет безбедносна помош во вредност од 50 милијарди долари за Украина и 14 милијарди долари за Израел.
Каков било договор постигнат во Сенатот, каде демократите имаат мнозинство од 51 на 49, пред да стане закон треба да биде потврден во Претставничкиот дом кој го контролираат републиканците, со мнозинство од 221 на 213. Членовите на Претставничкиот дом го напуштија Вашингтон денес за да го почнат својот зимски одмор како што беше предвидено.
„Премногу има на коцка за Украина, за Америка, за западната демократија, за сега да се откажеме. Мораме да продолжиме да разговараме, мораме да продолжиме да работиме“, кажа лидерот на демократското мнозинство во Сенатот Чак Шумер.