Американската централна команда (Центком) соопшти дека најновата помош била фрлена со падобрани над северниот дел на Појасот Газа и вклучувала ориз, брашно, тестенини и конзервирана храна.
Во текот на овој месец, САД испорачале 135.000 оброци во Појасот Газа по воздушен пат, според податоците на Пентагон, пренесе Ројтерс.
Американскиот претседател Џозеф Бајден ѝ нареди на американската војска да изгради привремен пристанишен систем за добивање помош на медитеранскиот брег на Појасот Газа.
Пентагон во петокот соопшти дека може да потрае до 60 дена додека не се изгради привремениот систем на пристаништа.
Хуманитарните организации велат дека тоа е предолго за Палестинците кои се во непосредна опасност од глад. Со израелската офанзива во Појасот Газа се раселени повеќето од 2,3 милиони жители на енклавата, кои се соочуваат со недостиг од храна, вода и лекови.
