„Ја повикуваме Државната комисија за спречување на корупцијата како и Јавното обвинителство да ја испитаат и разрешат оваа состојба бидејќи министерот Лимани не постапувал речиси три месеци од преземањето на функцијата, а двајцата браќа продолжуваат да ги извршуваат двете функции.
Покрај флагрантното прекршување на законот, ова ја докажува и дволичноста на албанските партии кои влегоа во Владата без легитимитет и нивните лажни ветувања за правично и транспарентно владеење. Ова ги потврдува нашите предупредувања дека нивниот влез во Владата е само за тесни партиски, семејни и лични интереси“, соопшти Алијанса за Албанците.
