Фото: Курир.рс
Жената имала 70 години. Одеднаш паднала и загубила свест. Белградски Курир објави дека лекарите се обиделе да сторат се што можат, 30 минути вршеле реанимација, но потоа можеле само да констатираат дека починала. Итната медицинска помош реагирала присебно и овозможила од друг излез салата да ја напуштат ќерката на жената и нејзините пријателки кои сите заедно дошле на концертот.
Курир наведува дека Калиопи е многу потресена и дека со солзи излегла, а концертот е прекинат. Публиката потоа ја напушти салата.
Фото: ФБ на Калиопи
Дојде и полиција за да го истражи случајот и, според српските медиуми, потоа Калиопи дала изјава во полициска станица.
Организаторите на концертот вечерва информираа дека концертот на Калиопи се одложува, за датумот на новиот концерт јавноста дополнително ќе биде информирана, а билетите, секако ќе важат.
Калиопи е многу почитувана пејачка во Србија, вечерашниот концерт требаше да биде нејзиниот осми концерт во Белград, а втор во големата сала МТС.
