Володимир Зеленски е подготвен да седне на преговарачка маса со рускиот претседател Владимир Путин, доколку тоа е единствената форма што ќе донесе мир во Украина, му рече украинскиот претседател на британскиот новинар Пирс Морган во извадоци од интервју објавени денеска.
Американскиот претседател Доналд Трамп ги повика Зеленски и Путин да „склучат договор“ за ставање крај на војната и вети дека ќе посредува за прекин на огнот во првите шест месеци од својот мандат.
Зеленски рече дека Украина е подготвена да ѝ стави крај на „жешката фаза“ на војната и дека нејзината подготвеност воопшто да преговара со Русија претставува компромис.
„Ќе разговараме со Путин… Дури и разговорот со Путин е компромис“, му рече Зеленски на Морган.
🔥WORLD EXCLUSIVE🔥
I did a 90-minute interview with Ukraine’s President Zelensky today. It was remarkably candid, revealing, and news-making – and drops on our @PiersUncensored YouTube channel tomorrow evening. You won’t want to miss this…. @ZelenskyyUa pic.twitter.com/leXyfFTxrX— Piers Morgan (@piersmorgan) February 3, 2025
На прашањето како би се чувствувал седејќи спроти Путин на средба лице во лице, Зеленски одговори: „Ако тоа е единствената форма во која можеме да им донесеме мир на граѓаните на Украина и да не губиме луѓе, дефинитивно, ќе одиме со таа форма… Што е важно тоа, моите чувства кон него?“, рече Зеленски.
„Нема да бидам љубезен кон него, го сметам за непријател. А да бидам искрен, верувам дека и тој мене ме смета за непријател.“
Зеленски повтори дека преговарачкиот процес треба да ги вклучи Украина, САД, Европската Унија и Русија. Тој, исто така, рече дека Киев не е подготвен да признае ниедна окупирана украинска територија како руска.
