Минатата недела Киев на Вашингтон му испрати ревидиран нацрт договор кој би можел да ги отвори неговите големи ресурси на ретки минерали за американски вложувања како обид да ја одбие поддршката од новата американска влада, поради загриженоста на Киев околу претходната американска верзија.
„Кажав „овој документ не е спремен, нема да го потпишеме ова. Продолжете да работите на овој документ““, кажа Зеленски во Анкара.
„Секогаш сум отворен за ваше инвестирање во нашата земја, во нашите природни ресурси… Но ако сакате нешто да дадеме, мора нешто и да добиеме. Не сакаме да станеме центар за суровини за кој било континент“, кажа украинскиот претседател.
Зеленски ги изнесе контурите на договорот за Ројтерс претходно месецов. Минералите за кои станува збор се ретки минерали, како и титаниум, ураниум и литиум, меѓу другите.
Американскиот претседател Доналд Трамп, кој не се обврза на продолжување на клучната воена помош за Киев, кажа дека сака 500 милијарди долари во ретки минерали од Украина и дека поддршката на Америка така би била „обезбедена“.
Посетата на Зеленски на Турција се случува во исто време со состанокот на американските и руските дипломати во Ријад.
Зеленски кажа дека верува дека Украина ја има поддршката од Вашингтон, но дека сака да види поголема поддршка од Трамп.
„Гледаме дека (Соединетите Американски Држави) го извадија (рускиот претседател Владимир) Путин под неговата политичка изолација, но тоа е нивна лична одлука. Но кога ќе кажете „ова се нашите планови за завршување на војната“, тоа поставува прашања за нас. Каде сме ние? Каде сме на преговарачката маса? Оваа војна се одвива во Украина“, кажа тој.
„На преговарачката маса би требало да седат луѓе кои би можеле да го сопрат Путин ако сака да ја врати војната. И тие би требало да бидат во состојба да ни дадат вистински, не само ветувања, туку конкретни безбедносни гаранции. Спремни сме за таков дијалог“, го цитира Зеленски турската државна новинска агенција Анадолу.
