„По предлог на надлежниот обвинител за укинување мерка притвор за С.Д. и определување мерки за претпазливост, судија на претходна постапка му определи мерки, забрана за напуштање живеалиште/престокувалиште, одземање пстна исправа, обврска за јавување во суд и одземање односно забрана за користење возачка дозвола“, информираа од Основниот кривичен суд Скопје.
Од Јавното обвинителство велат дека побарале укинување на оваа мерка затоа што за кривичното дело за кое е осомничен возачот на Палевски може да биде изречен притовр од најмногу три месеци.
„Со оглед на кривичното дело за кое е осомничено лицето и запретената затворска казна, максималното законски возможно траење на притворот за овој осомничен е три месеци. По истекот на тој рок, притворската мерка за осомничениот е заменета со соодветни мерки на претпазливост“, соопштија од Обвинителството.
Возачот што го однесе Палевски во Турција беше во притвор од 7 декември 2023 година. Тој сега ќе се брани од слобода, а осомничен е дека му помогнал на Палевски да избега од Македонија, откако тој, според сомнежите на истрагата, го извршил двојното убиство на Вања Ѓорчевска и Панче Жежовски во ноември 2023 година.