Министерството за транспорт и врски со одлука на Владата, од буџетот одвои над 1 милијарда денари, односно преку 17 милиони евра за реализација на проекти во општините: Битола, Берово, Богданци, Боговиње, Врапчиште, Гостивар, Дебар, Делчево, Дојран, Демир Капија, Желино, Илинден, Јегуновце, Карпош, Кичево, Кривогаштани, Крушево, Маврово и Ростуше, Македонски Брод, Пехчево, Пробиштип, Росоман, Свети Николе, Сарај, Град Скопје, Старо Нагоричане, Струмица, Теарце, Општина Центар, Чашка и Крива Паланка.
Станува збор средства кои се наменети за изградба и реконструкции на улици, патишта, мостови и други проекти со кои општините ќе го подобрат урбаниот развој.
Согласно одлука донесена на Владата, Министерството за труд и социјална политика потпиша 5 договори за меѓусебно регулирање на правата и обврските во однос на реализација на средства од капитални дотации. Министерството потпиша договори со Општина Бутел, Општина Кисела Вода, Општина Ѓорче Петров, Општина Аеродром, и Општина Карпош. Станува збор за зголемување на капацитетите на градинките преку буџетот на Министерството за труд и социјална политика во износ од 4 милиони евра.
Премиерот Димитар Ковачевски рече дека денеска беа потпишани договори со 44 општини за реализација на 66 конкретни проекти од локален интерес. За реализација на проектите е обезбедена финансиска поддршка од 32,5 милиони евра, од буџетите на шесте министерства и една агенција. Односно од министерствата за здравство, образование и наука, труд и социјална политика, култура, транспорт и врски, животна средна и просторно планирање и Агенцијата за млади и спорт.
„Поддршката за развој на општините е континуирана и доказ за тоа е и денешниот настан кој се случува верувам прв пат во историјата на државата, меѓутоа се надевам дека нема да биде и последен пат“, рече премиерот. и наведе кои се проекти во кои од општините и преку кои министерства ќе се финансираат.
