По објавениот оглас се пријавиле Ивана Костадиноска од Скопје, дипломиран правник со положен правосуден испит, Ангелчо Ристов од Делчево, дипломиран правник со положен правосуден испит и магистер по административно право и јавна администрација, Атанас Урумов од Гевгелија, дипломиран правник со положен правосуден испит, Ѓорѓи Коробашиев од Велес, дипломиран економист, Светлана Карапетрова од Тетово, дипломиран економист магистер по економија финансии, сметководство и ревизија, Емилија Андовска од Велес, дипломиран правник, Бети Горѓиеска од Скопје, дипломиран инженер по електротехника и Јана Илиева од Скопје, дипломиран правник и доктор на науки по меѓународно право.
Согласно членот 27 став 1 од Изборниот законик и огласот, за член на Државната изборна комисија може да биде избрано лице кое е државјанин на Македонија со постојано место на живеење во земјава, да има завршено високо образование, со најмалку осум години работно искуство и да не член на орган на политичка партија.
Собранието на седницата оддржана на 2 октомври 2024 година ја донесе одлуката за огласување на избор членови на Државната изборна комисија.
