По поразот од Рома и ремито со Монца, Наполи денеска загуби од Торино и тоа убедливо.
Торино поведе во финишот од првото полувреме со гол на Санабрија.
Работите за Наполи станаа уште полоши по пет минути игра во вториот дел кога Мацоки заработи црвен картон и го остави својот тим со фудбалер помалку.
Две минути подоцна тоа го искористи Торино и со гол на Влашиќ зголеми на 2-0, во 66. минута Бонџорно ги постави конечните 3-0.
Лацио со 2-1 го победи Удинезе на негов терен и освои три важни бодови.
Пелегрини погоди во 12. минута за водство на римскиот клуб од 1-0. Со тој резултат се замина на одморот.
Во 59. минута Валас изедначи на 1-1, но Весино во 76. минута ја врати предноста на Лацио, овојпат од 2-1 што беше и конечен резултат.
