Манчестер јунајтед игра променливо оваа сезона, дел од навивачите и понатаму се незадоволни, иако тимот врза серија победи во Премиерлигата. Тен Хаг е оптимист и смета дека работите ќе си дојдат на свое.
„Јас сум одговорен за ова. Ова е проект. Одиме напред и имаме подобрување што е многу надежно“, вели Тен Хаг.
„Се движиме во вистинска насока, па знам каде треба да одиме и кои чекори треба да ги преземеме за да бидеме успешни на долг рок“.
„Продолжувам да мислам дека овој тим е добар. Сите играчи во тимот се добри и заслужуваат да играат во Манчестер јунајтед бидејќи тоа се фантастични играчи. Тоа се однесува на целиот состав“.
