Неговиот адвокат Владиир Туфегчиќ во образложението зошто бара укинување на притворот за Ѓорчевски рече дека одлуката на Апелацискиот суд Скопје е во спротивност со Европската конвенција за човекови права.
„Скоро 4 месеци трае притворот, а нам не ни е дадена барем една индиција дека обвинителството има основано сомнение дека Ѓорчевски сторил кривично дело“, рече адвокатот.
Надлежната обвинителка од државното Јавно обвинителство кажа дека Апелацискиот суд донел јасно и недвосмислено решение за продолжување на притворот.
„Истрагата е во тек со вештачење на телефонските разговори и затоа се уште постои основано сомнение дека Ѓорчевски сторил кривично делчо – грабнување. Притворениот може да влијае врз сведоците, затоа што нема гаранција дека иако тие се испрашани, нема подоцна да ги сменат изјавите пред судечкиот судија“, кажа обвинителката Наталија Тасевска.
Искра Оптеческа
