Покрај загинатите во Шулан, во североисточната покраина Џилин, минатата недела се регистрирани повеќе од 20 лица загинати во Пекинг и Хебеј. Властите сè уште не го објавија вкупниот број на загинати низ целата земја.
Меѓу оние кои ги загубија животите во Шулан има и тројца службеници, меѓу кои и заменик-градоначалникот на градот со околу 587.000 жители, објавија државните медиуми.
A thrilling rescue: The crew of a helicopter rescues residents trapped in floods caused by Typhoon Doksuri in Zhuozhou City, north China. #Doksuri pic.twitter.com/MnFPQX4p4x
— China Xinhua News (@XHNews) August 7, 2023
Нивото на водата во градот се спушти на безбедно ниво и преземени се итни интервенции за преселување на жителите и поправка на инфраструктурата. Електричната енергија беше вратена во повеќе од 14.000 домови, објавија државните медиуми.
Регионалните власти соопштија дека делови од реката Сонгхуа, главна река во североисточна Кина, и притоката на Ненџијанг останале на опасно високи нивоа.
In #Changting County, NE #China’s #Heilongjiang Province, State Grid workers are working to restore #electricity supply to residents in flood-hit areas. #flood #disaster #naturaldisaster #extremeweather #rain #typhoon #doksuri #nature pic.twitter.com/R5YEy9gyaR
— Frontline (@Frontlinestory) August 7, 2023
Исто така, вратена е електричната енергија во многу поплавени подрачја во Пекинг и во покраината Хебеј. Во тек се напори за обновување на струјата во североисточните покраини Џилин, Хејлонгџијанг и Лиаонинг, објави државната телевизија ЦЦТВ.
