Руската дипломатска мисија во Женева не одговорила веднаш на барањата за коментар. Одлуката била прифатена со потребното мнозинство на посебен состанок на европската канцеларија на СЗО денес, соопшти агенцијата на Обединетите нации.
Канцеларијата ќе се пресели во главниот град на Данска Копенхаген до 1 јануари, се наведува во одлуката. Таџикистан, сојузник на Русија, на истиот состанок побарал канцеларијата да се премести таму наместо во Данска, но повеќето држави гласале против.
Дипломати претходно за Ројтерс кажале дека затворањето на канцеларијата во Москва е замислено како политички чекор во напорите на Западот да се изолира Русија и не се очекува да има последици за Русија или светската здравствена политика. Незаразните болести како дијабетес и рак се главните причини за смрт во европскиот регион на СЗО кој вклучува 53 земји.