Трагедијата се случи во градот Санто Доминго во вторникот нешто по полноќ во преполниот ноќен клуб Џет сет за време на настапот на пејачката Руби Перез, која е меѓу загинатите.
Повеќе од 4.500 работници за итна помош биле распоредени на местото на настанот, кои работеле речиси 59 часа по трагедијата во потрага по преживеаните, на извлекување на телата и помош за семејствата.
Од урнатините се спасени 189 лица, а 17 од нив сè уште се во болница, соопшти Националната здравствена служба.
Оперативниот центар за вонредни ситуации соопшти дека салата била полна, иако точниот број на присутни не е познат, а причината за уривањето сè уште се истражува.
Локалните медиуми и сајтовите за продажба на билети укажуваат дека клубот можел да прими помеѓу 700 и 1.000 луѓе.
Националниот институт за судска патологија сè уште работи на идентификување на жртвите и враќање на посмртните останки на нивните роднини.
Претседателот на Доминиканската Република Луис Абинадер треба да присуствува на комеморацијата во спортскиот центар Полидепортиво Де Хаина оваа недела, последниот ден од периодот на националната жалост.
