Најлошите немири во последните децении во сиромашната хималајска земја беа предизвикани од забраната за социјалните мрежи објавена минатата недела, која беше укината откако најмалку 19 лица загинаа во понеделникот, додека полицијата употреби солзавец и гумени куршуми за да ги растера демонстрантите.
„Прво се обидуваме да ја нормализираме ситуацијата“, изјави денес портпаролот на војската, Раџа Рам Баснет. „Сакаме да ги заштитиме човечките животи и имотот“, додаде тој. Нема извештаи за протести во главниот град, но медиумите објавија дека околу 25 лица се приведени поради обид за „предизвикување проблеми“ во предградијата. Ројтерс не можеше веднаш да ги потврди извештаите.
Вчера за време на протестите беа запалени неколку владини згради, од Врховниот суд и парламентот до домови на министри, вклучувајќи ја и приватната резиденција на Оли, кои се смирија дури по оставката.
„Тука нема демонстранти“, изјави за Ројтерс Рам Кумар Шреста, жител на округот Махараџгунџ во Катманду. „Само неколку луѓе се движат по улица. Тука е тивко“, додаде тој. Медиумите објавија дека се прават подготовки за преговори меѓу властите и демонстрантите, но не се наведени детали.
#NDABANEWS: HOMES OF POLITICIANS BURNED IN NEPAL GEN Z PROTESTS
NEPAL, KATHMANDU – Widespread protests led by Nepal’s Gen Z youth have turned violent, with the homes of several top politicians set ablaze.
Prime Minister K.P. Sharma Oli’s private residence in Balkot, Bhaktapur,… pic.twitter.com/w9Rr1M307x
— Thulani Ndaba (@tndaba) September 10, 2025
Повеќето од демонстрантите се млади луѓе кои изразија незадоволство од она што го нарекоа неуспех на владата да се бори против корупцијата и да ги подобри економските услови. Со години, недостатокот на работни места принудува милиони да бараат работа во Малезија, Блискиот Исток и Јужна Кореја, претежно на градилишта, за да испраќаат пари дома.
Сместен помеѓу Индија и Кина, Непал се бори со политичка и економска нестабилност откако монархијата беше укината во 2008 година по протестите. Кабинетот за безбедност на Индија се состана синоќа за да разговара за ситуацијата во соседството.
„Стабилноста, мирот и просперитетот на Непал се од најголема важност“, рече премиерот Нарендра Моди во соопштение на Икс. „Понизно апелирам до сите мои браќа и сестри во Непал да го одржат мирот и редот“, рече Моди.
