Претходно беше објавено дека во свлечиштата загинале 14 лица.
Локалната противпожарна служба потврди 16 смртни случаи во градот Хуиз де Фора и шест во градот Уби, оддалечен околу 110 километри, пренесува Ројтерс.
Бразилскиот претседател Луиз Инасио Лула да Силва изрази сочувство до семејствата на жртвите.
„Нашиот фокус е да обезбедиме хуманитарна помош, да ги обновиме основните услуги, да им помогнеме на раселените лица и да помогнеме во реконструкцијата“, напиша Лула на својот профил на социјалната мрежа Икс.
Околу 440 лица беа раселени во Хуиз де Фора, соопшти градскиот совет, додавајќи дека се мобилизирани специјализирани тимови за да реагираат на инцидентите и да бараат исчезнати лица.
Бразилската влада прогласи состојба на катастрофа во градот Хуиз де Фора, а повеќе од 440 бездомници се сместени во засолништа во населбата Пајнеирас.
Mais uma vez, a tragédia anunciada se repete. Agora em Juiz de Fora, Minas Gerais.
Até o momento são 19 vítimas fatais e ao menos 440 pessoas desabrigadas depois das fortes chuvas. A cidade decretou estado de calamidade.
Toda a nossa solidariedade as famílias que perderam seus… pic.twitter.com/SsCA3uZDEz
— Glauber Braga (@Glauber_Braga) February 24, 2026
Поголемиот дел од Бразил влегува во врвот на дождовната сезона, која носи чести интензивни поројни дождови, грмотевици, поплави и лизгање на земјиштето.
Градскиот совет на Жуиз де Форет соопшти дека ова бил највлажниот февруари во историјата на градот, со врнежи од дожд кои веќе се повеќе од двојно поголеми од очекуваните за овој месец.
