Како што потврдија украинските власти, во нападот бил погоден тролејбус, а нападот бил извршен со балистички ракети „Искандер-М“.
На бруталниот напад реагираше украинскиот претседател Володимир Зеленски. „Без притисок врз агресорот, мир не е можен. Разговорите никогаш не ги запреа балистичките ракети и авионските бомби. Русија треба да се третира како што заслужуваат терористите“, рече Зеленски.
„Рускиот напад погоди во срцето на Суми“, рече украинскиот претседател Володимир Зеленски во обраќањето до нацијата вечерва.
Тој додаде дека меѓу ранетите во рускиот напад има и девојче кое е родено оваа година. Тој нагласи дека била ранета во вториот од двата руски напади на Суми.
„Само ѓубре би можело да направи вакво нешто“, заклучи украинскиот претседател.
Жахливий удар російської балістики по Сумах. Ворожі ракети вдарили по звичайній міській вулиці, по звичайному життю: будинки, освітні заклади, машини на вулиці… І це в день, коли люди йдуть до церков: Вербна неділя, свято Входу Господнього в Єрусалим.
За попередніми даними,… pic.twitter.com/bhevMqTygP
— Volodymyr Zelenskyy / Володимир Зеленський (@ZelenskyyUa) April 13, 2025
Шефот на неговата канцеларија, Андриј Јермак, изјави дека проектилите содржеле касетна муниција. „Русите го прават ова за да убијат што повеќе цивили“, рече Јермак.
Русија денеска истрела две балистички проектили кон Суми, а повеќето цивилни жртви се од вториот проектил, објави на Телеграм шефот на регионалната воена управа Серхиј Кривошејенко.
Станом на зараз відомо вже про 31 загиблого в Сумах після удару російських балістичних ракет. Серед загиблих – двоє дітей. Мої співчуття рідним та близьким. Понад 80 людей поранені, зокрема десять дітей. Усім надається необхідна допомога.
Дуже важливо всім у світі не мовчати, не… pic.twitter.com/WvlZK52wgZ
— Volodymyr Zelenskyy / Володимир Зеленський (@ZelenskyyUa) April 13, 2025
„Втората балистичка ракета, очигледно, беше исполнета со фрагментирани елементи и експлодираше во воздух за да предизвика максимална штета врз луѓето“, рече Кривошејенко.
„Според прелиминарните податоци, повеќето цивили се убиени токму од овие фрагментирани елементи. Експлозијата се случи на околу 200 метри од местото на првиот удар, во населба каде што се наоѓаат станбени згради, образовни институции и продавници“, додаде тој.
