Во грабежот е повреден сопственикот на продавницата, 88-годишен маж, кој бил соборен на подот. Неговата внука изјави за Ен-би-си дека се здобил со посекотини од скршено стакло и дека лекарите во болницата откриле дека доживеал и мозочен удар. Иако бил пуштен на домашна нега во неделата, семејството се сомнева дека некогаш ќе се врати на работа.
Полицијата во Сан Хозе потврди дека грабежот се случил во 14:09 часот и дека најмалку едно лице било вооружено со пиштол. „Осомничените избегале од местото на настанот со повеќе возила пред да пристигне полицијата“, се вели во соопштението. Детективите што истражуваат грабежи ги повикаа сите што имаат информации да се јават.
My friend’s 88 year old uncle’s San Jose Jewelry Store was robbed on Fri 9/5 at 2pm. They ran a truck through the store and then pushed him down. He was injured by broken glass and then had a stroke. @MattMahanSJ you’ve done a lot for SJ but still more criminals to be locked up. pic.twitter.com/5eSRaCVKo2
— Moore On The Street (@Chris_Moore4Sup) September 6, 2025
Злосторството предизвика реакција од активисти и локални политичари кои предупредуваат на порастот на ваквите инциденти, и покрај официјалната статистика што покажува целокупен пад на криминалот во државата. Во неделата се одржа прес-конференција на која организаторите го повикаа гувернерот Гевин Њусом да инвестира повеќе ресурси во борбата против криминалот.
Од друга страна, најновите податоци од Министерството за правда на Калифорнија покажуваат дека бројот на грабежи минатата година бил помал во споредба со претходната година, додека кражбите и другите имотни деликти биле на најниско ниво во последните девет години.
Во саботата, на социјалната мрежа Икс беше објавена анализа во која се заклучува дека Сан Хозе и Лос Анџелес се најбезбедните големи градови во Соединетите Американски Држави.
