„Милчан ми даваше пури како пријател, никогаш не ги барав, тој доаѓаше и ми ги даваше“, изјави Нетанјаху пред судот, пренесе Тајмс оф Израел.
Нетанјаху додаде дека „Милчан се бањал во шампањ“, дека „пиел шампањ со секој оброк“, дека неговиот подрум „бил полн со шампањ“ и дека им давал шампањ на сите, вклучувајќи го и поранешниот израелски претседател и премиер Шимон Перес.
Тој исто така пред судот рече дека неговата сопруга Сара „добила дел од тоа“. „Мојата сопруга би изгледала како сумо борач да испиеше 160 гајби шампањ, а можам да ви кажам дека нема 300 килограми“, рече Нетанјаху.
Нетанјаху го отфрли сведочењето на Хадас Клајн, која работеше како асистентка на Милчан, дека неговата сопруга Сара ја малтретирала и ѝ се заканувала со отказ, наведувајќи дека „никогаш не ја видел“ својата сопруга да ѝ вика.
Во еден момент од судењето, демонстрантите почнаа да му викаат на Нетанјаху дека заложниците што ги држи палестинската милитантна група Хамас во Газа „немаат шампањ и пури“.
