Унгарија минатиот месец го пријави својот прв случај на шап и лигавка во последните 50 години на сточарска фарма на северозапад во близина на границата со Австрија и Словачка, соопшти Светската организација за здравје на животните, цитирајќи ги унгарските власти, објави Ројтерс.
Досега се извршени проверки на речиси 1.000 фарми низ Унгарија, а само четири во погодениот северозападен регион дале позитивни резултати.
„Во оваа фаза, можеме да кажеме дека не може да се исклучи дека вирусот не е од природно потекло, можеби имаме работа со вештачки создаден вирус“, рече на прес-конференција шефот на кабинетот на премиерот Виктор Орбан, Гергели Гуљас.
Одговарајќи на прашање, Гуљас рече дека не може да исклучи дека избувнувањето на вирусот е резултат на биолошки напад, без да даде информации за тоа кој би можел да биде одговорен.
Тој рече и дека сомнежот е заснован на вербални информации добиени од странска лабораторија и дека нивните наоди сè уште не се целосно докажани и документирани.
Унгарскиот сточен фонд изнесуваше 861.000 грла врз основа на декемврискиот попис на добитокот, што е мала промена од претходната година.
Тоа е 1,2 отсто од вкупниот сточен фонд во Европската унија, покажува официјалната статистика.
