Во последните недели, тој изрази растечко незадоволство од Москва по средбата со Владимир Путин минатиот месец, но досега се воздржа од преземање построги мерки.
Asked whether he was ready for a second phase of sanctions against Russia, Trump gave a swift and seemingly unconsidered “I am.” pic.twitter.com/cFtdG10Gcc
— WarTranslated (@wartranslated) September 7, 2025
„Подготвени сме да го зголемиме притисокот врз Русија, но сакаме нашите европски партнери да го следат примерот“, изјави претходно денес американскиот министер за финансии Скот Бесент, додавајќи: „Трката сега е колку долго може да издржи украинската војска и колку долго може да издржи руската економија“, рече Бесент.
„Доколку САД и Европската Унија воведат дополнителни санкции, вклучително и секундарни царини за земјите што купуваат руска нафта, руската економија целосно ќе пропадне, а тоа ќе го донесе претседателот Путин на преговарачка маса“, додаде тој.
Минатиот месец, администрацијата на американскиот претседател Доналд Трамп воведе царини од 50 отсто за Индија за купување руска нафта, меѓу највисоките што некогаш ѝ ги наметнала на некоја земја.
Русија синоќа го изврши најголемиот воздушен напад врз Киев од почетокот на војната. Беа истрелани околу 800 беспилотни летала и ракети, за прв пат беше оштетена зградата на украинската влада, во нападите загинаа најмалку тројца цивили, меѓу кои и едно двомесечно дете. Повеќе од 40 луѓе се ранети.
