На 1 април, Исламабад едноставно ги укина дозволите за престој на околу 800.000 Авганистанци, од кои некои се родени во Пакистан или живеат таму со децении.
Пакистан се заканува дека на крајот на јуни ќе ја прекине заштитата дадена на 1,3 милиони Авганистанци со статус на бегалци, која им ја додели Високиот комесаријат за бегалци на ОН.
Мерките беа воведени по месеци медиумска кампања против Авганистанците обвинети за тероризам и поддршка на политичките противници на владата.
Темпото на заминување, делумно доброволно, но и со полициска принуда, значително се намали. Во април 135.865 Авганистанци го напуштиле Пакистан, а во мај 67.478.
Трендот се чини дека продолжува и во првите два дена од јуни, со околу 1.500 заминувања дневно, според податоците од пакистанското Министерство за внатрешни работи.
Хуманитарните работници и активистите за човекови права веруваат дека принудувањето на Авганистанците да се вратат ги става во опасност.
