Покраината Манитоба, која се наоѓа во западна Канада, прогласи вонредна состојба поради големите шумски пожари, а премиерот на оваа покраина, Ваб Кину, побара помош од федералните власти и канадската војска за преместување на населението и гаснење на пожарите.
„За прв пат имаме пожари во сите региони. Ова е знак на климатските промени на кои ќе мора да се прилагодиме“, предупреди премиерот на покраината Манитоба, Ваб Кину, според британски Гардијан.
Најкритична ситуација е во градот Флин Флон, каде што 5.000 жители се повикани на итна евакуација поради приближување на пожарот.
Пламените во некои делови од Манитоба достигнаа висина од над 35 метри, а поради густиот чад и брзото ширење на пожарот, на пожарникарите им е сè потешко да се борат против огнената стихија.
Close call on the Flin Flon fire
Video credit: Trevor Gene.
Manitoba has declared a province-wide state of emergency as wildfires continue to threaten communities across the province.
An emergency alert issued at around 5:25 p.m. CT Wednesday said the measure was due to… pic.twitter.com/FWlDIIEDY7
— Eugene (@BreakingNews4X) May 28, 2025
Евакуацијата ги опфати и оддалечените домородни заедници, а најголемиот број раселени лица ќе бидат сместени во главниот град на покраината, Винипег.
Во моментов има 22 активни пожари во Манитоба, а низ цела Канада се регистрирани дури 134 пожари, од кои половина се надвор од контрола.
Според канадските власти, речиси 200.000 хектари шуми изгореле во изминатиот месец.
Manitoba Premier Wab Kinew has announced a provincewide state of emergency due to wildfires.
APTN’s Sav Jonsa has details on the wildfire that led up to the state of emergency being called. pic.twitter.com/6lqAjO12Lm
— APTN News (@APTNNews) May 28, 2025
Според локалните власти, еден пожарникар бил сериозно повреден, а претходно овој месец две лица ги загубиле животите во пожар во местото Лак ду Бонет, североисточно од Винипег.
Поради подолгиот период на суво и топло време, Манитоба доживува највисоко ниво на пожарна активност во цела Канада досега оваа година, соопшти противпожарната служба на покраината.
🚨🇨🇦Manitoba declared a state of emergency as #wildfires forced 17,000 evacuations, including from Flin Flon. Armed forces aid relocations. In Alberta, fires near oil regions prompted Cenovus and Aspenleaf to scale back operations. Swan Hills residents evacuated. Over 2,900… https://t.co/yFAaf6mK7S pic.twitter.com/xt5iaxHkUQ
— Info Room (@InfoR00M) May 29, 2025
