„Се чини дека се повеќе е вон контрола од порано“, му рече Рајс на водителот на „Фокс енд френдс“ Брајан Килмид. „Тој отсекогаш бил империјалист, но сега се чини дека е речиси уште поочаен во желбата да ја уништи Украина“.
Украина за време на викендот ѝ нанесе голем удар на руската војска, користејќи шверцувани беспилотни летала за напад врз бомбардери во воени бази длабоко на руска територија.
Рајс, која служеше во двата мандати под поранешниот претседател Џорџ В. Буш, го нарече нападот на Киев „извонреден“, истакнувајќи дека „релативно ефтините беспилотни летала“ уништија скапи руски бомбардери кои континуирано ја напаѓаат Украина.
„Тоа покажува дека Украинците се многу напредни во развојот на својата одбранбена индустрија, во изградбата на овие беспилотни летала и во стратегијата за нивно користење“, рече Рајс. „Се надевам дека ќе можат да постигнат прекин на огнот, но исто така покажува дека Украинците можат да го загрозат она што му е најважно на Путин, а тоа е она што на крајот ќе го принуди на преговарачка маса.“
„Мислам дека постои дел од Владимир Путин кој препознава, особено поради деградацијата на енергетската инфраструктура во Русија, дека би било подобро да се запре оваа војна, но тој дел го надвладува другиот Путин кој сè уште мисли дека може да ја уништи Украина“, додаде таа.
Украинските безбедносни служби објавија дека 41 руски авион бил уништен или оштетен во ненадејниот напад, иако руски воени извори тврдат дека бројот е значително помал.
Рајс верува дека овој потег означува пресвртница во војната и веројатно го остава Путин на несигурна основа.
„Тоа е неверојатно разузнавачко достигнување“, рече таа. „Владимир Путин сега сигурно се прашува дали имало внатрешно предавство.“
Украинскиот претседател Володимир Зеленски го пофали исходот од украинскиот напад со беспилотни летала врз Русија, наречен „Операција Пајажина“, како „апсолутно брилијантен“ потфат во кој Украина дејствуваше сама.
„Резултат постигнат единствено од Украина. Една година, шест месеци и девет дена од почетокот на планирањето до успешното извршување. Нашата најдолготрајна операција“, напиша Зеленски на социјалната мрежа Икс по нападот.
Претседателот на САД Доналд Трамп кој има променлив однос со Путин и Зеленски, наводно не бил информиран однапред за украинскиот напад со беспилотни летала.
Рајс верува дека администрацијата на Трамп треба да заземе цврст став кон Путин, бидејќи САД продолжуваат да посредуваат во мировните преговори.
„Би препорачала, ако овие преговори не водат никаде, ако Владимир Путин само одолговлекува надевајќи се дека може да ја продолжи оваа војна од 19 век, да им помогнеме на Украинците и да им овозможиме да купуваат оружје од нас и од Европа“, рече таа. „Многу е важно да му биде јасно (на Путин) дека нема да ги исполни своите максималистички барања.“
