Израелските одбранбени сили (ИДФ) соопштија дека во последните 24 часа нападнале повеќе од 200 цели на милитантното движење Хезболах во Либан, пренесува Би-би-си.
Во соопштението се наведува дека нивното воено воздухопловство изведува дополнителни напади и ги поддржува копнените сили во јужен Либан.
Израелската војска исто така тврди дека ги таргетира лансирните системи, со цел да спречи напади врз Израел.
Либанското министерство за здравство соопшти дека шест лица загинале во јужен Либан, а уште пет се повредени.
Во меѓувреме, Израел предупреди на упад на авион во регионот Горна Галилеја на северот од земјата, но не е познато кој го испратил.
